Српскиот премиер Ивица Дачиќ изјави дека Брисел не може да ја натера Србија да ја признае независноста на Косово и дека поделбата на покраината е единственото можно решение.
„Сеуште мислам дека поделбата на Косово е единственото можно решение и сигурен сум дека Албанците на Косово ќе го прифатат. Меѓутоа, се поставува прашањето дали тоа може да предизвика протести во регионот, а се избегнува фактот дека потреси предизвика и тоа што е Србија поделена“, изјави Дачиќ.
Тој кажа дела трајно решение не постои и дека политичкиот дијалог е потребен во овој момент поради интересите на Србите и Албанците.
„Во оваа фаза е прифатливо се што не е признавање на едностраната независност на Косово. Не може Брисел да не натера да ја прифатиме независноста на Косово“, рече Дачиќ и додаде дека Косово не го имаат признато и пет членки на Европската Унија.