Српскиот премиер Ивица Дачиќ изјави денеска во Сараево дека нема прецизни информации за контејнерите со оружје кои се запленети во Ријека, но отфрли можност дека станува збор за трговија зад која стои државата Србија.
Премиерот рече дека се знае на кој начин официјално се тргува со оружје и какви постапки треба да се спроведат.
Дачиќ додаде дека нема информации кој од Србија би можел да биде поврзан со тоа оружје, потенцирајќи дека виновниците треба да одговараат. Хрватски медиуми јавија дека во пристаништето во Риека се запленети неколку контејнери со оружје од Србија.