Српскиот и косовскиот премиер Ивица Дачиќ и Хашим Тачи, денеска ќе се сретнат во Брисел со шефицата на европската дипломатија Кетрин Ештон. Ова е втора средба за кратко време. Првата средба беше на 19-ти октомври, кога беше договорено дијалогот да продолжи.
Иако дневниот ред не е официјално потврден, се очекува дека првото прашање да биде интегрирано управување на премините, но, исто така, ќе се разговара и за спроведувањето на други договори и гаранции за српското културно и верско наследство.
Целта на денешната средба , како што стои во соопштението на Ештон, е согледување како и каде е можно да се постигне побрз напредок во дијалогот Белград-Приштина и да се применат досегашните договори.