Српскиот премиер Ивица Дачиќ ќе разговара во Брисел со високата претставничка за безбедност и надворешна политика на Европската унија, Кетрин Ештон за продолжувањето на дијалогот со Приштина.
„Цел на состанокот е разговор за унапредување на дијалогот меѓу Белград и Приштина под покровителство на ЕУ”, соопштено е од кабинетот на Ештон.
Дачиќ изјави дека со Ештон ќе разговара за можностите за продолжување на дијалогот меѓу Белград и Приштина, или за почетокот на нов преговарачки процес.
Ештон ќе се сретне и со косовскиот премиер Хашим Тачи. Не е предвидена средба меѓу премиерите на Србија и Косово.