ЕУ со цел да се реши политичката криза мора да го прифати фактот дека состојбата е вонредна и дека до следното лето треба да се преземат важни иницијативи, меѓу кои е и самит на земјите од Западен Балкан, изјави грчкиот премиер Алексис Ципрас на неформална вечера со лидерите на државите членки на Унијата во Талин.
Според Ципрас, политичката криза во која ЕУ неодамна се најде е резултат на недоволно ефикасно решавање на економската и мигрантската криза во Европа.
Прва иницијата која, како што предложи синоќа грчкиот премиер, треба ЕУ да ја преземе е социјална Европа заснована на привремен раст, а не на строго штедење, но и нова структура на еврозоната.
Втора иницијатива, како што рече, се однесува на миграциската политика заснована врз праведна распределба на товарот и ефикасна борба против трговијата со луѓе, а третата се европско-турските односи.
Самитот ЕУ-Балкан и обновување на Солунската агенда треба да биде четвртата важна иницијатива која ЕУ, како што посочи Ципрас, мора да ја преземе со цел да ја реши својата политичка криза.
Петтата иницијатива што ја предлага се однесува на јакнење на меѓународната и регионалната улога на ЕУ и нејзината одбранбена политика.
Неформаланата вечера на лидерите на државите-членки на ЕУ за иднината на Унијата, одржана синоќа во естонската престолнина, е прв чекор во носење одлуки за иднината на Унијата.
Самитот во Талин денеска ќе биде посветен на добрите и лошите страни на дигиталната економија, како и кибер безбедноста.