По Италија и Словенија, циклонот Лука вчера ја зафати и Хрватска, посебно северната половина од Јадранско Море, како и западните делови од внатрешноста на земјата.
Првиот дожд падна вчера попладне во северниот дел на Јадранско Море, за подоцна невремето да ги зафати и западните и централните делови на внатрешноста на земјата.
Подоцна дожд со грмежи ја зафати и Славонија и северните делови на континетална Хрватска и северниот дел на Далмација.
Невремето предизвика проблеми и во Загреб, каде се регистрирани повеќе интервенции на пожарникарите и на комуналната служба.