Четири лица го загубија животот во сообраќајна несреќа што се случи вечерва на патот Урошевац-Штимље, јавуваат Репортери.
Канун Весели, портпарол на КП во Урошевац, за приштински Коха изјави дека во несреќата учествувале три возила.
„Регионалната полиција на Урошевац околу 19 часот и 15 минути добила информација дека на патот Урошевац-Штимље, на влезот во Штимље, се случила сообраќајна незгода во која учествувале три патнички возила – автомобили со локални регистарски таблички. Како последица на оваа незгода, загинаа четири лица“, изјави Весели.
Тој потврди дека екипи на итната помош се на лице место и дека сообраќајната единица врши увид.