Четири лица се повредени, меѓу кои двајца полицајци, во експлозија на две бомби кои утрово околу девет часот се фрлени во Сараевската улица кај Казнено-поправната установа во Зеница.
Како што потврди портпаролот на Зеничко-добојскиот кантон Алдина Ахмиќ, бомбите се фрлени на градилиштето покрај зеничкиот КПЗ, при отстранување на киоск кој се наоѓа на трасата на градската магистрала во изградба.
– Полицајците излегле на асистенција при отстранување на објектот кој се наоѓа на трасата на градската магистрала во изградба и во таа прилика сопственикот фрлил три бомби од кои две експлодирале. Три лица се полесно повредени, а меѓу нив еден полицаец, рече Ахмиќ.
Во Кантоналната болница Зеница, меѓутоа, велат дека се повредени четири лица, двајца полицајци и две женски лица.