Бугарскиот парламент во две последователни читања го усвои предлог-законот за ратификација на протоколите на Северноатлантскиот договор за пристапување на Финска и Шведска, јави дописникот на МИА од Софија.
За прием на двете северни земји во НАТО беа 195 пратеници, а против националистичката партија „Преродба“ беа 11 од вкупно 240 народни претставници. Гласањето беше во врска со одлуката на двете скандинавски земји да ги поднесат своите апликации за членство во НАТО на 18 мај годинава. Причините наведуваат дека на самитот на НАТО во Мадрид на 28-30 јуни 2022 година, сојузниците одлучиле да ги поканат двете земји да станат членки на Алијансата, изразувајќи ја нивната согласност за потпишување на протоколите за нивно пристапување кон Северноатлантскиот договор.
Одлуката за прием на Република Финска и Кралството Шведска во НАТО е израз на нивната подготвеност да ги споделат одговорностите и обврските од членството, наведуваат во причините на бугарското народно собрание.
Извор: МИА