Бугарскиот премиер Бојко Борисов, заедно со владината делегација пристигна во грчкиот град Кавала, каде утре ќе биде потпишан Меморандум за разбирање меѓу Бугарија и Грција за изградба на железничка линија во правец „Солун – Кавала – Александрополис – Бургас – Русе“.
Меморандумот ќе биде потпишан од страна на бугарскиот министер за транспорт Ивајло Московски и грчкиот министер за инфраструктура, транспорт и мрежи Христос Спиртзис, јави БТА.
Со документот ќе бидат регулирани подготвителните работи и заедничкото управување на двете земји.
Проектот предвидува, поврзување на реката Дунав, Црно Море и Егејско Море со железнички коридор, како и развивање на пристаништа, кои ќе бидат дел од главната ТЕН-Т мрежа.
Планирана е изградба на двојна електрифицирана железничка линија со вграден ЕРТСМ систем за управување на железнички сообраќај.