Во Словенија и денеска продолжува да опаѓа бројот на нови заразени со коронавирус, како и сите други показатели за епидемијата, а владата најави дека ќе разговара за делумно ублажување на мерките и прилагодување кон новата ситуација на смирување на инфекцијата.
Во изминатите 24 часа со 1062 ПЦР тестови и 48.983 брзи антигенски тестови потврдени се 3601 инфекција со коронавирус, моментално има 140.334 активни инфекции, што е за 4.938 случаи помалку од претходниот ден, а починале 7 пациенти, соопшти Националниот институт за јавно здравје НИЈЗ.
Во болниците во моментов има 782 пациенти со Ковид, од кои 133 се во потешка состојба и се наоѓаат на одделенијата за интензивна нега.