Брнабиќ ги демантираше наводите на црногорскиот премиер за уцените за жито и Отворен Балкан

Од:

Премиерката на Србија во технички мандат Ана Брнабиќ денеска ги демантираше наводите на нејзиниот црногорски колега Здравко Кривокапиќ дека официјална Србија се обидела да ја уцени Црна Гора со ветување дека ќе и обезбеди основни прехранбени производи доколку стане дел од иницијативата Отворен Балкан, јави дописникот на МИА од Белград.

dobivaj vesti na viber

Брнабиќ на Твитер го праша Кривокапиќ како „не се срами бесрамно да лаже“.

Таа го праша и кога тоа претседателот на Србија, Александар Вучиќ „му се јавил, му испратил порака, кажал некаков збор на уцена во врска со храната/стоките од Србија“.

-Бидејќи знам дека не е така, се враќам на прашањето: Дали барем малку се срамиш?, напиша таа.

Здравко Кривокапиќ, премиер на Црна Гора во заминување, изјави дека официјална Србија се обидела да ја уцени Црна Гора со ветување дека ќе и обезбеди основни прехранбени производи доколку стане дел од Отворен Балкан и како што додаде „не верува во таа регионална иницијатива“.

-Моќта е чудо, кога се чувствуваш моќен, тогаш мислиш дека можеш да им поставиш услови на другите, изјави Кривокапиќ за Радио телевизија на Црна Гора, одговарајќи на прашањето дали Вучиќ ја искористил актуелната криза за политички цели.

Извор: МИА

Би можело да ве интересира

Американска амбасадорка: Историјата на односите меѓу Албанија и САД е уникатна

А1он

Србија ја повика Светската туристичка организација да го подржи проектот „Вински патишта на Отворен Балкан“

Ана Ололовска

Во земјите од Отворен Балкан во тек е тестирањето на ТАГ- електронски систем за патарина

А1он

Брнабиќ: 10 полицајци се повредени во нередите, има 64 приведени

Белградскиот Народен театар предлага одржување на „Отворен Балкан фестивал“

Хил за Отворен Балкан: Тие сакаат да направат нешто, желба ми е да влезат Косово и БИХ

Ана Ололовска