Брнабиќ е за нови избори во Белград, а не e ни против нови парламентарни избори

Од:

Премиерката на српската техничка влада Ана Брнабиќ денеска изјави дека не гледа ништо лошо доколку не биде премиер и во следниот мандат и порача дека дефинитивно останува во Српската напредна странка (СНС), јави дописникот на МИА од Белград.

-Не гледам зошто луѓето толку фаталистички гледаат на овие работи. Промената е природен процес – изјави Брнабиќ за Хепи ТВ.

Таа се заложи за нови избори во Белград, а не е ни против нови парламентарни избори.

Зборувајќи за денешната средба меѓу Александар Вучиќ и Драган Ѓилас за решавање на изборната криза во Белград, Брнабиќ оцени дека не станува збор за средба „како тие заедно да чувале овци“, туку лидерот на Партијата за слобода и правда (ССП) „го замоли Претседателот на Србија на средба“.

Претседателот на сите граѓани ја прифати таа средба, објасни Брнабиќ и потсети дека Партијата за слобода и правда на Ѓилас станала парламентарна.

Објаснувајќи зошто е за нови градски избори, таа како повереник на СНС за Белград посочи дека тоа би било најдобар начин за гласачите да видат како опозицијата влегува во непринципиелни коалиции, „само за да бидат против СНС и Вучиќ и на тој начин да ја зграпчат власта“.

-Тие немаат заеднички именител. Мило ми е што го покажаа своето вистинско лице, тие немаат ни морал, изјави Брнабиќ, фалејќи ја воедно убедливата победа на Вучиќ на претседателските избори.

„Ниту еден од противниците на претседателските избори се уште не му честитал на Вучиќ за убедливата победа. Ова е основна пристојност. Срамно е што не честитаа, тоа е пример за немање основна политичка култура и основна култура. Тоа е одвратен пример на политичка некултура“, оцени Брнабиќ.

Извор: МИА

Би можело да ве интересира

ВИДЕО: Во Белград ќе има нови избори

Катерина Ѓуровски

Со свирежи и транспаренти конституирано српското Собрание, опозиционерите дадоа заклетва во холот

(ВИДЕО) Голем протест во Белград: Црвен картон за власта и барање да се повторат изборите

Прегласување на 35 избирачки места во Србија, бојкот на коалицијата „Србија против насилството“

Захарова: Западот се обидува да ја дестабилизира Србија

ВИДЕО: Почнаа студентските блокади во Белград