Лидерите на земјите членки на Европската Унија денеска во Брисел и дадоа „зелено светло“ на БиХ за отворање на преговорите за пристапување во Европската Унија. Тие ја донесоа оваа одлука врз основа на препораката на Европската Комисија (ЕК).
Минатата недела Европската Комисија објави извештај во кој констатира дека Босна и Херцеговина доволно ги исполнува условите за почеток на долгиот пат кон членство во Европската Унија.
На состанокот во декември 2023 година, лидерите на земјите од ЕУ дадоа „зелено светло“ за отворање на пристапните преговори со Украина и Молдавија, откако тие земји ги презедоа важните чекори наведени во извештајот на ЕК за проширувањето од 8 ноември 2023 година. Лидерите, исто така, изразија подготвеност да ги отворат пристапните преговори со Босна и Херцеговина кога критериумите за членство ќе бидат исполнети до потребната мера.
Босна и Херцеговина аплицираше за членство во ЕУ во февруари 2016 година, а статусот на земја кандидат беше доделен во декември 2022 година.
Како што беше планирано, лидерите на ЕУ ќе дадат политичко зелено светло за иден пристап до Босна и Херцеговина. Новиот нацрт објавен за проширувањето, кој го виде Политико, е малку построг за следните чекори во процесот на пристапување.
Според новиот текст, лидерите ја повикуваат „Комисијата да подготви рамка за преговори со цел таа да биде усвоена од Советот во моментот кога ќе бидат преземени сите релевантни чекори споменати во препораката на Комисијата од 12 до 22 октомври“.
Во исто време, новиот нацрт е исто така попозитивен за следните чекори за Украина и Молдавија, како што побара Литванија. Кога станува збор за преговарачката рамка за Украина и Молдавија, лидерите се подготвени да го повикаат Советот „брзо да ги усвои и да ја продолжи работата без одлагање“. Сепак, новиот нацрт не посочува конкретен момент за усвојување на преговарачката рамка, како што првично бараа украинските поддржувачи.