Момчето кое изврши масовно убиство во училиштето „Владислав Рибникар“ на 3 мај 2023 година, од денеска и формално има статус на оштетен во постапката против неговите родители и инструктор на стрелиштето.
Ова на новинарите по завршувањето на судењето кое беше затворено за јавноста, им го пренесе бранителот на родителите на момчето, Ирина Боровиќ.
„Од денеска К.К и официјално има статус на оштетен. Од денеска Вишото јавно обвинителство во Белград ги штити неговите права и интереси“, рече Боровиќ, додавајќи дека позициите и атмосферата на судењето се сменија.
Бранителот рече дека Миљана и Владимир Кечмановиќ денеска ја дадоа одбраната за кривичното дело запуштање и злоупотреба на малолетно лице, за кое се товарат во проширениот обвинителен акт.