БиХ: Нема договор за нова локација за сместување на мигрантите

Од:

Министерството за безбедност на Босна и Херцеговина бара решение за сместување на илегалните мигранти, но проблемот е во тоа што не постои договор помеѓу властите на БиХ и меѓународните организации што треба да финансираат вакви кампови, соопшти Министерството по повикот итно да се затвори пренатрупаниот и несоодветен камп Вучјак кај Бихаќ.

– За жал, локациите што досега се предложени претставниците на Европската унија ги оценија како неприфатливи и одбија да ги финансираат, наведувајќи ги како причина условите на теренот или тоа што земјиштето е приватно, се наведува во соопштението.

Откако ќе се понуди соодветна локација, Министерството за безбедност на БиХ, како што е наведено, ќе се координира со партнерските организации и ќе обезбеди сместување во новиот прифатен центар за лицата кои се наоѓаат во кампот Вучјак, но и за сите ново пристигнати мигранти.

Од Министерството додаваат дека се планира изградба на уште еден прифатен центар во околината на Сараево со цел Унско-санската жупанија да се ослободи од дополнителниот притисок на мигрантите.

Во Унско-санската жупанија има околу десет илјади мигранти во три кампа на подрачјето на Бихаќ и еден кај Велика Кладуша.

Министерството за безбедност на БиХ, сепак, предупредува дека решението не е во отворање нови сместувачки капацитети, туку во зајакнување на заштитата на границата со Србија и Црна Гора за да се спречат мигрантите да влегуваат во земјата, бидејќи не треба да се дозволи нивно масовно доаѓање.

Би можело да ве интересира

Во БиХ уништен археолошки локалитет стар 4.000 години

Ана Ололовска

Тегелтија: Во БиХ од оваа недела отворање на границите за бизнисмени

Ана Ололовска

Обвинителство на БиХ: Од Кина набавени 100 неупотребливи респиратори

А1он

И БиХ со протестна нота поради згрешената македонската марка со „голема Хрватска“

А1он

ЦИК во Босна и Херцеговина распиша локални избори за 4 октомври

Ана Ололовска

Светската банка одобри 33,6 милиони евра за БиХ за борба со пандемијата

Ана Ололовска