За санација на штетите предизвикани од катастрофалните мајски поплави и свлечишта на ниво на Босна и Херцеговина обезбедени се повеќе од 600 милиони конвертибилни марки (околу 300 милиони евра), изјави претседавачот на Советот на министри на Босна и Херцеговина, Вјекослав Беванда.
Тој појасни дека државата добила одобрување од Меѓународниот монетарен фонд и фактички повлекла средства за брза интервенција од 185 милиони евра наменски предвидени за штетата од водената стихија.
– Одобрен е и кредит од Светската банка од сто милиони долари, а извршивме и пренасочување на ИПА средствата, претходно загубените 40 милиони и дополнителни 15 милиони евра, прецизиаше Беванда во Сараево.
Според него остатокот од средствата треба да биде обезбеден од внатрешни ресурси.