Владата на Албанија ќе ги преразгледа сите односи со Србија, изјави премиерот Сали Бериша откако беше отстранет споменикот на на борците од Ослободителната војска на Прешево, Бујановац и Медвеѓа.
– Таквиот акт покажува дека има само еден начин и тоа е интеграција на албанската нација, за да го добиеме тоа што сме го стекнале со крв, истакна Бериша.
Албанското Министерство за надворешни работи го осуди кршењето на српски споменици и гробови во некои реони во Косово и ги повика Албанците на воздржаност.
Српски споменици и гробишта вчера беа осквернавени во Косово како одговор на отстранувањето на споменикот од Прешево.