Најмалку две лица загинаа, а неколкумина се повредени кога автобус се преврте на патот кон граничниот премин Мало Трново во југоисточна Бугарија, соопштија локалните власти.
Според градоначалникот на Мали Трново, возилото застанало на патот поради недостаток на гориво, по што почнало да се движи наназад и да се превртело, објави новинската агенција БТА.
Екипи на полицијата и брзата помош се на местото на несреќата, додека повредените се однесени во болница во Бургас.
Претходно, градоначалникот на градот Странџа, Илијан Јанчев, изјави за БТА дека две лица загинале во инцидентот. Информацијата беше потврдена и од полицискиот прес-центар.
Инцидентот се случил кратко пред седум часот наутро во правец кон Турција.