Авион на нискобуџетна авиокомпанија попладнево принудно слета на аеродромот во бугарското црноморско летувалиште Бургас.
Авионот „Ербас А321“ вршел редовен лет од Кишињев, Молдавија кон Дубаи, кога екипажот пријавил дефект на моторот.
Слетувањето е извршено со еден мотор и немало никаква опасност за 131 патник и шестчлениот екипаж во авионот.
Тие моментно престојуваат во хотел во црноморскиот град, а бугарските експерти за цивилно воздухопловство ќе извршат преглед на моторот на авионот.