„Оваа власт станува заложник на самата себеси, заложник на огромен товар, потребни се реални цели за промена на актуелната политичка ситуација“, сметаат експертите.
Според дел од нив, актуелната ситуација во земјава наликува на онаа од 90-те во која се наоѓаше и Србија.
„Има сличности, но Србија не е некаков пример на кој треба да се огледате. 23 години мака се мачеше за да се дојде до некаква стабилност и развој во смисла на либерално демократските вредности. Суштински мислам дека подобро е да се огледате на Словачка, Чешка“, вели Иван Андриќ, пратеник на ЛДП во Србија.