Амбасадорот на Ватикан, надбискупот Орландо Антонини вчера во Крагуевац се сретна со градоначалникот Верољуб Стевановиќ, по што ја посети компанијата „Фиат автомобили Србија“, Шумадиската епархија и Католичката црква.
Претставникот на Светата столица изјави дека како амбасадор на Ватикан сака да го запознае третиот град по значење во Србија и дека му е мило што дошол во град во кој гледа не само материјален развој туку и духовен.
-Јас сум Италијанец од Лаквил, град со кој Крагуевац има блиска соработка. Покрај тоа Католичката и Православната црква треба подобро да се запознаат. Слушнав дека во Крагуевац често или повремено претстојуваат околу 4.000 Италијани- изјави вчера при посетата на Крагуевац надбискупот Антонини.
Елена Георгиевска