По вчерашното сензационално одбележување на 102-рата годишнината од независноста, Албанија денеска одбележува 70 години од ослободувањето од фашизмот, јави дописникот на МИА од Тирана.
Државниот врв, претседателот Бујар Нишани, премиерот Еди Рама и спикерот на парламентот Илир Мета, министри како и дипломатски претставници акредитирани во Албанија положија венци и се поклонија пред споменикот „Мајка Албанија“ оддавајќи им почит на сите паднати борци.
Но, како и изминатите години власта и опозицијата денот на ослободувањето го одбележуваат во различни датуми. Актуелната власт, односно левицата, на 29 ноември, додека опозиционите демократи – десницата на 28 ноември.
Иако во ист ден, одвоено тие го славеа и Денот на незвисноста. Левицата вчера славеше во Валона, каде пред 102 години Исмаил Ќемали го подигнал албанското знаме и ја прогласил незвисноста на земјата, додека десницата беше во Тирана каде ги одбележа двата дена, на независнсоста и на ослободувањето.
Поради различните ставови за денот на ослободувањето, левицата дека Албанија е ослободена на 29 ноември а десницата на 28 ноември, одбележувањето на овој ден, уште по падот на комунизмот, едните го одбележуваат на 28 другите ден потоа.