Албанската Влада, во поплавените подрачја во Србија и во Босна и Херцеговина испрати 50 припадници на специјалната полициска единица за брза интервенција од северниот град Скадар, јави дописникот на МИА.
– Посакувам нашите полициски претставници, кои се обучени за спасување да го покажат нивниот карактер, хуманизам и професионализам, да дадат помош и да спасат човечки животи кои се во опасност. Горд сум што ми е дадена честа да ја предводам единицата во акција која има хуманитарен карактер, изјави Петрика Дунга.
Според него првично е договорено единицата да остане десет дена, но доколку е потребно ќе остане и подолго. Во поширокиот регион на Скадар свежо е сеќавање за големите поплави што се случија во почетокот на 2010 година, кога беше предизивкана материјална штета од околу 70 милиони евра.