Турските власти депортираа 30 Авганистанци, кои барале азил, кратко време по склучувањето на договорот меѓу Турција и Европска унија за миграцијата, соопшти денеска меѓународната организација за заштита на човековите права Амнести интернешнл.
АИ предупредува дека договорот ги изложува бегалците на ризик, пренесува БТА.
– Луѓето кои бараа азил, меѓу кои имаше и жени и деца, стравуваа од нападите на талибанците во Авганистан, но и покрај тоа тие беа депортирани, наведува АИ.
Организацијата посочува дека Турција со депортирањето на Авганистанците го прекршила европското и меѓународното право, кога ги депортирала луѓето во саботата.
Договорот меѓу Турција и ЕУ беше потпишан во петокот.
Турските власти потврдија дека депортирале 27 Авганистанци, но оти тоа било направено доброволно.
Договорот Турција – ЕУ беше критикуван и од ОН и од Лекари без граници.