Коронавирусот во Србија е потврден кај 4.133 лица за 24 часа, а 38 пациенти починале во последното деноноќие.
Хоспитализирани се 7.749 пациенти, од кои 297 се на респиратор. Тестирани се 13.909 лица, а 29,71 проценти биле позитивни.
Скоро една четвртина од сите заразени лица се од Белград, што сè уште се смета за главно жариште на коронавирусот во Србија.
Во последните 24 часа 1.072 луѓе биле тестирани позитивно во главниот град. Според бројот на заразени, по Белград следен е Нови Сад со 264 новоинфицирани и Ниш со 201 нов случај на инфекција.
Во земјата досега прва доза на вакцина против коронавирус примиле 2.521.863, а втора 1.063.559 лица.
Досега се тестирани вкупно 3.471.955 лица во Србија, од кои 614.365 биле позитивни на Ковид-19.
Од коронавирус досега во земјата животот го изгубија 5.422 луѓе.