Момче на возраст од 18 години загина, а четворица се повредени во експлозија што денеска се случи во фабриката „Трејл“ во Крушевац.
Српското Министерство за внатрешни работи потврди дека се случила трагедија и прецизира дека експлозијата се случила во објект за производство на пиротехнички и експлозивни средства.
Според првичните информации, едно лице загинало, а четири се повредени и со возило на Итна медицинска помош се пренесени во Општата болница во Крушевац“, се вели во соопштението на српското МВР.
Како што пренесе Н1, по експлозијата избувнал пожар кој е локализиран, а на местото на настанот го обезбедуваат припадници на полициската управа во Крушевац и на Итната помош.