Група британски жени научници направија пародија со хитот на песната „I’m Sexy and I Know It“ каде се „шепурат“ во лабораторија во предизивикувачка гардероба, со цел на тој начин да го свртат вниманието на влијанието на шовинизмот во науката.
Група жена – научници од Универзитетот во Бристол всушност на овој начин сакаше да упати критика до Европската комисија која во етер пушти видео во кое, за жените на понижувачки начин, се мотивираат студентките да почнат да се занимаваат со наука која е предоминантно машко поле.
Во видео рекламата која беше објавена во јуни, младите девојки се „намамуваат“ за занимавање на наука така што им се нуди приказна за секси машки колеги и претстава за жените научници како модели на високи потпетици во бели мантили.
Мнозинството жени го оценија ова видео како срамно и навредливо, а потоа решија да одговорат со иста мерка.
Иако нивната пародија ја снимиле за самите добро да се забавуваат, жените научниците сакале да покажат дека девојките имаат и некои други интересирање во животот освен мажи и високи потпетици.