Во Минхен се отвори првото буре пиво, почна музиката и келнерките си ги спремија пивоносачките способности и деколтињата.
Почна 181-виот Октоберфест.
Честа да го отвори првото буре пиво, а со тоа и да го означи почетокот на најголемиот народен фестивал во светот, му припадна на градоначалникот на Минхен, Дитер Рајтер, кој со четири удари го отвори бурето. Рекордната бројка на удари за да се скрши шишето била поставена од градоначалникот Кристијан Уде, кому му биле потребни само два удари.
Наводно Рајтер тајно вежбал за да не се посрамоти. И оваа година вештите баварски келнерки ќе носат по десетина кригли во раце воодушевувајќи ги посетителите од Европа, Америка и Австралија, а се очекува да бидат испиени повеќе од 6 милиони литри пиво.
Рекордот за најмногу однесени кригли во едно одење е 27, а рекордот го држи Оливер Штрумпфел. Октоберфест е заштитен знак на Баварија, а се одржува скоро два века, а се почнало со голема трка на коњи за време на свадбата на престолонаследникот Лудвиг Баварски и Тереза Саксонска во 1810-та година.