Млад војник загина при скокање од хеликоптер за време на воена вежба, пишува „Сан“. Ужасното видео покажува седум поморски кадети како скокаат од хеликоптер и ги отвораат своите падобрани, додека последниот се бори да го отвори падобранот кој не функционира.
Кадетот Емануел Веласкез починал на местото на настанот. „Еден падна, побрзај“, се слуша како вели човекот кој снима се и вика лекар.
Трагедијата се случи на 1 јули за време на обуката на маринците во Шампотон, Кампече, Мексико. Засега не е познато зошто падобранот не се отворил.
„Изразуваме најдлабоко сочувство до неговото семејство и пријателите со надеж дека љубовта што ја остави во нивните срца ќе им овозможи да го негуваат неговиот спомен. Знаеме дека нема утешни зборови што можат да помогнат да се олесни таквото големо страдање. Ние, кои живееме да и служиме на нашата нација, ги знаеме ризиците што ги носи нашата должност, затоа, кога ќе заминеме, знаеме дека нашето име никогаш нема да биде заборавено, драги млад кадету“, соопшти мексиканската морнарица.