Џиновска баклава од речиси полoвина тон, која беше направена во Анкара, влезе во Гинисовата книга на рекорди.
Баклавата тежи точно 515 килограми и е двојно поголема од претходниот рекорд. Таа беше направена во тава долга 7,5 метри и широка 2,5 метри, а поделена е на 11.800 парчиња.
– Како што знаете Турците јадат слатко и за раѓање и за умирање… Затоа му порачуваме на целиот свет: „јадете слатко, говорете слатко“, нагласи раководителот на слаткарскиот тим Мехмед Канбур.
Во изработката на овој џиновски десерт учествуваше тим од 14 слаткари од сите делови на Турција, а подготвките траеја шест месеци.