Македонскиот претставник Васил Гарванлиев вечерва имаше сигурен и солиден настап во првото полуфинале на „Евросонг“.
Гарванлиев настапи под реден број шест со песната “Here I stand”, се појави сам на сцената и изведе соло кореографија, но не успеа да се пласира во финалето на годинешното пандемиско издание на изборот на песна на Евровизија.
Манифестацијата, 65-та по ред, се одржува во Холандија. За влез во финалето гласаа сите земји-членки на Евровизија, без право на глас за претставникот на сопствената земја.
Завршниот дел од годинешниот „Евросонг“ ќе се одржи во сабота, на 22 мај, а таму од првата полуфинална вечер се пласираа Шведска, Русија, Норвешка, Азербејџан, Малта, Кипар, Литванија, Израел, Белгија, и Украина.