Претседателот на Хаити Мишел Мартели, кој зад себе има 25-годишна музичка кариера, в сабота ќе одржи концерт во хуманитарни цели.
Тој ќе пее под музичкиот псевдоним со кој беше познат „Слаткиот Мики“, и ќе одбележи 25 години на сцената. Приходите од концертот ќе бидат наменети за неговата хуманитарна фондација.
Мишел Мартели беше избран за претседател во мај 2011 година. Оттогаш тој ретко пее на концерти.
Во декември минатата година тој одржа концерт во Доминиканската Република заедно со Хулио Инглесиас.
Мартели е познат и по својата навика да запее спонтано на јавни настани.