Вооружени банди упаднаа во затвор во главниот град на Хаити и ослободија голем број затвореници. Повеќето од околу 4.000 мажи кои беа во затвор во Порт-о-Пренс избегаа, изјави локален новинар за BBC News.
Меѓу затворениците имало и членови на бандата обвинета за убиство на претседателот Џовенел Моис во 2021 година.
Прогласена е 72-часовна вонредна состојба, а владата најави дека ќе лови убијци, киднапери и други насилни криминалци за кои верува дека избегале.
Les élèves du Petit Saint-Marcial sont coincés à cause des fortes détonations.
La panique est extrêmement intense au centre-ville de Port-au-Prince. pic.twitter.com/0Rbbqx45Tk— Avena Constant (@AvenaConstant) February 29, 2024
„На полицијата и е наредено да ги искористи сите средства што ѝ се на располагање за да го спроведе полицискиот час и да ги уапси сите прекршители“, рече министерот за финансии Патрик Боиверт, кој ја извршува функцијата премиер.
Насилството во Хаити, најсиромашната земја на американскиот континент, ескалира во последниве години. Бандите кои сакаат да го соборат привремениот претседател Ариел Хенри контролираат 80% од Порт-о-Пренс.
Последниот бран насилство започна во четвртокот, кога претседателот отпатува за Најроби за да разговара за испраќање меѓународни безбедносни сили предводени од Кенија на Хаити.
Водачот на бандата Џими Шеризие најави координиран напад за да се елиминира Хенри. Тој рече дека нападот имал за цел да го фати шефот на полицијата и министрите на владата на Хаити и да го спречи враќањето на Хенри.
„Сите ние, вооружените групи во провинциските градови и вооружените групи во главниот град, сме обединети“, изјави поранешен полицаец за кој се верува дека стои зад неколку масакри во Порт-о-Пренс.
Во бранот престрелки загинаа четворица полицајци, а петмина беа повредени. Француската амбасада на Хаити советуваше да не се патува во и околу главниот град.
🚨 Haiti 🇭🇹
Armed groups attacked one of the most important prisons in Haiti and managed to free gang members. There are clashes with heavy weapons in the streets of Port-au-Prince. pic.twitter.com/46XwjCIpmO
— Izlamic Terrorist (@raviagrawal3) March 3, 2024
Полицискиот синдикат на Хаити побара помош од војската за зајакнување на затворите, но нивниот штаб беше нападнат доцна навечер во саботата.
Во неделата вратите на затворот беа сè уште отворени и немаше полицајци, објави новинската агенција Ројтерс. Тројца затвореници кои се обиделе да побегнат лежеле мртви во дворот, се вели во извештајот.
Арнел Реми, адвокат за човекови права чија непрофитна организација работи во затворот, на X објави дека помалку од 100 од скоро 4.000 затвореници остануваат зад решетки.
„Јас бев единствениот кој остана во ќелијата“, изјави за Ројтерс еден неидентификуван затвореник.
Во затворот, изграден за 700 затвореници, до февруари минатата година се сместени 3.687 од нив, објави организацијата за човекови права RNDDH.
Од атентатот на претседателот Мојзе, насилството е во пораст. Неговиот наследник се уште не е избран, а избори не се одржани од 2016 година.
Според политичкиот договор, изборите требаше да се одржат и неизбраниот Хенри требаше да се повлече од функцијата до 7 февруари, но тоа не се случи.
ОН во јануари соопштија дека повеќе од 8.400 луѓе биле жртви на групно насилство на Хаити минатата година, вклучувајќи убиства, повреди и киднапирања – двојно повеќе од бројот регистриран во 2022 година.
Многу жители останаа без интернет бидејќи, како што соопштија од најголемиот телеком на Хаити, за време на немирите бил пресечен оптички кабел. Проблемот е решен вчера попладне.
За неполни две недели, неколку државни институции беа нападнати од банди кои сè повеќе ги координираат нивните акции и избираат некогаш незамисливи цели како што е Централната банка.
На Хаити имаат околу 9.000 полицајци кои се грижат за безбедноста на повеќе од 11 милиони луѓе, според бројките на ОН.