Еден циркуски изведувач бил задушен од голема змија за време на шоу во Русија.
Шокантните снимки покажуваат дека човекот паѓа на колена откако змија, опишана во извештаите на медиумите како питон или боа констриктор, цврсто се обвиткува околу него.
Во видеото, човекот изгледа сигурен околу змијата, но одеднаш паѓа на колена, а потоа рамно на земјата.
Публиката најпрво смета дека е тоа дел од настапот, но потоа се гледа како тој неколку пати гестикулира со десната рака, што е всушност сигнал за помош.
Според ДејлиМејл, видеото е снимено во Барнаул, во руската провинција Алтај или некаде во Дагестан. Сепак, точната локација и времето на несреќата не се познати.