Кина постигна едно од најимпресивните научни и технолошки достигнувања во областа на транспортот и електромагнетните погонски системи кон крајот на декември. Истражувачки тим од Националниот универзитет за одбранбена технологија (NUDT) успеа да забрза тест-воз со магнетен погон тежок еден тон од 0 до 700 км/ч за само две секунди.
Wondering what 800 km/h feels like? Check out this onboard video!
Hubei East Lake Laboratory in Central China has hit a milestone in high-speed maglev technology, with its test line accelerating a 1.1-tonne model train to 800 kilometers per hour in just 5.3 seconds. pic.twitter.com/O3Ej9g4kpA— China Xinhua News (@XHNews) December 26, 2025
Подвигот, извршен на специјално изградена тест-патека долга 400 метри, означи нов светски рекорд во областа на суперспроводливите електромагнетни погонски системи и стана еден од најбрзите демонстративни резултати на оваа технологија досега забележани, објавува China.org.cn.
Магнетната левитација (maglev) е транспортен концепт во кој возот не ги допира шините, туку „лебди“ над нив единствено благодарение на силата на електромагнетите. Наместо традиционалните тркала и механички компоненти, електромагнетите во шините и на самиот воз создаваат магнетно поле кое го крева возот и му овозможува да се лизга практично без триење. Ова значи дека отпорот, вибрациите и механичкото абење се минимизирани, овозможувајќи екстремно големи брзини.
За да постигнат таков скок за само две секунди, истражувачите мораа да надминат неколку клучни технички предизвици кои долго време го попречуваа научниот развој во оваа област: системи со високо-поле со суперспроводливи магнети, кои можат да произведат стабилно и силно магнетно поле без загуби; екстремно брзи електромагнетни погонски системи, кои можат да испорачаат моќност на „митралез“ во моќни кратки импулси; насочено електрично потпирање и водење, кои му овозможуваат на возот да остане стабилен и на тој начин безбедно да достигне максимална брзина и минливо складирање на висока енергија, како и системи кои го снабдуваат погонот со енергија без компромис, пишува „Саут Чајна Морнинг Пост“.