„Нокиа“ го претстави својот најнов смартфон под име „Лумиа 1020“, чиј главен адут е камера од 41 мегапиксели.
Новата „Лумиа 1020“ доаѓа со софтверот на „Нокиа“ за обработка на фотографии ПуарВју, трикратен зум со висока резолуција, автоматско и мануелно фокусирање на сликата, двоен блиц и стабилизатор на слика.
„Лумиа 1020“ користи оперативен систем „Виндоус 8“ и овозможува снимање ХД видео со резолуција од 1.080 пиксели и 30 фрејма во секунда.
Продажбата во САД ќе почне на 26 јули, а цената ќе изнесува 299 долари со двегодишен договор со АТ&Т.
Во текот на овој квартал се очекува телефонот да се појави и на пазарите во Кина и Европа.
Смартфонот „Лумиа 1020“ е достапен во жолта, бела и црна боја.