„Гинисовата книга на рекорди“ сеуште официjално не потврдила, меѓутоа од „Ферари“ соопштија дека парадата на 964 автомобили на славната патека Силверстоун, е најголемиот собир на „Ферари“ било кога одржан.
Организаторите се сигурни во резултатот, бидејќи последниот рекорд изнесуваше 490 возила, а парадата беше одржана 2008 година, на патеката Фуџи во Јапонија. Почесен гостин на собирот беше вториот возач на „Скудерија“, бразилецот Фелипе Маса, кој ја предводеше колоната „458 спајдер“.
Гледачите имаа прилика да ги видат сите модели на „Ферари“ вклучувајќи го тука и најновиот модел „Берлинета“.
Се очекува „Гинисовата книга на рекорди“ резултатот да го потврди кон крајот на неделата.