Кинески робот влезе во Гинисовата книга на рекорди со поминување на 100 километри за три дена, најдолгото растојание некогаш поминато од хуманоидна машина пеш.
AgiBot A2 тргна од источниот кинески град Суџоу вечерта на 10 ноември, преминувајќи автопати и улици за да пристигне во историскиот округ Бунд во Шангај на 13 ноември, соопшти Гинисовата книга на рекорди.
AgiBOT’s humanoid robot A2 just achieved a Guinness World Record.
It walked 106KM from Suzhou’s Jinji Lake all the way to the Shanghai Bund, earning the title of “Longest Distance Walked by a Humanoid Robot.”
A2 ran non-stop for 3 days and 3 nights, powered by hot-swappable… https://t.co/Xgcc0rsvYj pic.twitter.com/F6WWG59GsR
— CyberRobo (@CyberRobooo) November 24, 2025
AgiBot, со седиште во Шангај, кој го создаде двоножниот робот, рече дека машината „патувала по различни површини, почитувајќи ги сообраќајните правила“ за време на своето непрекинато патување од 106 километри, што Гинис го потврди како прв таков подвиг.
Промотивните видеа го прикажуваат A2, црно-сребрен робот, како полека, но сигурно оди по патиштата до Шангај.
Роботот A2 е дизајниран за задачи како што се услуга на клиентите и е опремен со функција за „разговор“ и можности за читање од усни.
Глобалните технолошки компании инвестираат колосални суми во физичка вештачка интелигенција, која ги разбира законите на физиката и може да го перцепира и да се движи низ човечкиот свет. Според „Морган Стенли“, светот би можел да има повеќе од милијарда хуманоидни роботи до 2050 година.
Кинеската влада ги охрабрува домашните компании да развиваат вакви роботи, надевајќи се дека ќе стане светски лидер во оваа индустрија.
Пекинг беше домаќин на првите Светски игри со хуманоидни роботи во август, каде што повеќе од 500 „спортисти“ се натпреваруваа во широк спектар на дисциплини: кошарка, танц, па дури и чистење хотелски соби.