Не се вели залудно „пуши како Турчин“ – оваа изрека совршено се однесува на Ибрахим Јуџел, кој до неодамна пушел две кутии цигари на ден.
Кога пред неколку дена одлучил да ги остави цигарите, овој 42-годишен Турчин од провинцијата Китаја, на западот на земјата, избра крајно необична и прилично радикален метод – да ја „зароби“ главата во кафез.
За да не падне во искушение да запали цигара, клучевите од кафезот им ги дал на жената и на ќерката на чување.
Според „Хуриет“, во изработка на кафезот, кој личи на вистинска справа за мачење, Јуџел го инспирирале заштитните шлемови на возачите на мотоцикли.
Во обид да објасни зошто се одлучил на ваков чекор, весникот напоменува дека на Јуџел ова не му е прв обид да се ослободи од тутунот и го наведува фактот дека неговиот татко пред неколку години починал од рак на белите дробови.
Овој метод засега дава резултати – ниту после 48 часа откако на главата навлекол кафез, не испушил ниту една цигара.