По освојувањето на титулата во НБА со Денвер, српскиот кошаркар Никола Јокиќ со семејството се врати во родниот Сомбор. Веднаш отиде на хиподром и уживаше во коњските трки, додека сега се појави видео од ноќно излегување, поточно Јокиќ ужива во настапот на српскиот пејач Аца Пејовиќ во родниот град.
Јокиќ лумпуваше на фолк хитови, а атмосферата го достигна својот врв кога Пејовиќ го испеа хитот на Мирослав Илиќ „Поздрави ја, поздрави ја“. Се чини дека оваа песна е во срцето на Никола Јокиќ бидејќи се радуваше речиси како што беше случај пред неколку години кога уживаше во музиката на Драгана Мирковиќ, а снимката стана вирална и на социјалните мрежи. Едноставно, необично е да се види Јокиќ „во транс“ поради музиката, посебно турбо фолкот, особено кога се знае дека е прилично рамнодушен за се останато.