Тајванската компанија ХТЦ со смартфонот ХТЦ One е добитник на наградата Златен медал за дизајн и иновации на „Компутекс Тајпеј 2013“.
По ГСМА наградата за Најдобар нов мобилен уред или таблет, смартфонот ХТЦ One е добитник и на награрадата за дизајн и иновација на овогодинешниот Компутекс во Тајпеј.
Наградата ја додели претседателот на Тајван Ма Јинг Жеу. Годинава од вкупно 254 разгледани производители, жири комисијата се сложи дека исклучително софистицираните детали на ХТЦ One го издвојуваат од големиот број смартфони што се присутни на пазарот.
– ХТЦ One освои уште една меѓународна награда, што покажува колку напредниот дизајн и корисничкото искуство носат целосно нова перспектива во оваа индустрија. Ќе продолжиме со создавање иновации и најквалитетни уреди, изјави директорот за маркетинг на ХТЦ Бен Хо.