Двајцата напаѓачи биле многу расположени за тепачка на улица, но не знаеле дека од другата страна е човек кој не треба да се провоцира. ММА борецот Виктор Лајал лесно ги „среди“, иако на видеото јасно се гледа дека по секоја цена сакал да го избегне конфликтот и ги предупредил да се држат настрана.
Неколку пати познатиот борец им објаснил на момчињата дека треба да престанат да го следат низ градот и дека воопшто не е паметно да се тепаат на улица со него, но… Се случи она што никој не го сакаше, тој мораше да им додели неколку удари. Виктор двапати со тупаница и еднаш со нога удри еден од напаѓачите кој не му даваше мир.
Напаѓачите постојано го следеле на улица, фрлале работи кон него и кон другите минувачи, а целиот конфликт започнал бидејќи Лајал станал да заштити случаен минувач кој претходно бил малтретиран.
Виктор ја започна својата професионална кариера во 2015 година, но по една победа и два последователни порази се повлече од сцената. Сепак, боречките вештини премногу му недостасуваа, па се врати во рингот во 2020 година и почна само да победува. Моментално има три по ред, а последната победа ја забележа кон средината на март годинава.