Две активистки на „Just Stop Oil“, Џенифер Ковалски и Кол Мекдоналд, испрскаа портокалова боја врз приватните авиони на аеродромот Станстед, каде што се наоѓа и приватниот авион на пејачката Тејлор Свифт.
Ковалски, поранешна менаџерка за одржливост од Дамбартон, и Мекдоналд од Брајтон, ја пресекеа оградата на приватниот аеродром Станстед околу 5 часот наутро, каде што беше паркиран авионот на пејачката – Тејлорсвифт13, бидејќи бараат итен договор за постепено укинување на фосилните горива до 2030 година.
Just Stop Oil activists have now spray painted Taylor Swift’s private jet orange… pic.twitter.com/6NYwPQ6bSo
— george (@StokeyyG2) June 20, 2024
„За неколку минути полицијата пристигна на местото на настанот и приведе две лица. Аеродромот и летовите функционираат нормално. 22-годишна жена од Брајтон и 28-годишна жена од Дамбартон се уапсени под сомнение за кривично дело оштетување и попречување на користење или работење на националната инфраструктура“, соопшти полицијата, пренесува The Guardian.
Во февруари, адвокатите на Тејлор Свифт се заканија дека ќе тужат студент кој го следел користењето и движењата на нејзиниот авион на социјалните мрежи. На X мрежата, порано Твитер, постои профил наречен CelebJets, кој откри дека авионот во сопственост на славната пејачка бил најкористениот авион од славна личност и испуштал повеќе од 8.000 тони јаглерод.
Портпаролот на пејачката негираше дека Свифт била на секој лет, велејќи дека нејзиниот авион бил позајмуван на други.