Американскиот претседател Доналд Трамп не е задоволен со клима уредите во Белата куќа, а за тоа го обвини претходниот претседател Барак Обама.
Поради тоа, Трамп, како што најави, во август ќе ја напушти Белата куќа и ќе оди во своето одмаралиште во Њу Џерси, пренесе агенцијата АП.
Трамп изјави дека кога оди во Бедминстер, Њу Џерси, „тоа никогаш не е одмор“ и дека со задоволство би останал во Белата куќа. За тоа време работниците ќе ги поправат клима уредите.
Администрацијата на Обама направи нов клима систем во западното крило, иако системот претходно беше одличен, тврди Трамп.
– Сега кога го сменија системот или е ладно или е жешко, рече американскиот претседател.