Новоизбраниот американски претседател Доналд Трамп ги именуваше актерите Мел Гибсон, Џон Војт и Силвестер Сталоне за негови специјални претставници во Холивуд.
Трамп ја објави одлуката на платформата Truth Social, наведувајќи дека тројцата актери, кои отворено го поддржуваат, ќе работат како негови амбасадори за да го направат Холивуд „поголем, подобар и посилен од кога било досега“.
„Многу ми е чест да го објавам назначувањето на овие три многу талентирани поединци. Тие ќе служат како мои специјални претставници за да помогнат во враќањето на Холивуд, кој изгуби многу бизнис во странство во последните четири години“ напиша Трамп.