На саемот за електорника ЦЕС, „Тошиба“ го претстави својот најнов изум, хуманоидниот робот, шармантната Аико Чихиру која работи за компанијата.
Овој робот е опремен со 43 мотори кои и овозможуваат да функционира, а зборува јапонски, англиски и го знае јазикот со знаци, а може да зборува и француски за неколку минути доколку таа или нејзините творци го сакаат тоа.
На нејзиното лице се гледаат чувства, а движењата и се релативно природни, кожата е слична на вистинска и таа во целост остава добар впечаток дури и ако и се приближите на околу два метри.
Таа 32 годишничка е облечена во фустан кој што е дополнет со накит и би можела да ја извршува работата на хостеса во некоја бизнис зграда или да работи како преведувач на јазикот со знаци.
Е. Г.