Пукањето во училиштето во Конектикат која однесе 27 животи фрли сенка на њујоршката премиера на филмот „Django Unchained“ од Квентин Тарантино.
Познатиот режисер рече дека му е доста од тоа да ги брани своите филмови секогаш кога ќе дојде до сличен инцидент.
– Насилство постои во овој свет, трагедии се случуваат, рече тој и додаде дека вината за тој чин на насилство оди на товар само на оној кој го направил.
Актерот Џејми Фокс не се согласува: – Не можеме да го вртиме грбот зборувајќи дека насилството во филмовите или што и да е што работиме ние, нема влијание на ваквите појави. Секако дека има.
Неговата колешка Кери Вошингтон додаде дека е „важно да се разговара за насилството, но не и во контекст на забава, туку да се обрне внимание дека тоа е погрешно и неправедно колку и општествената болест“.
Фокс во филмот го игра Џанго, роб чија историја со поранешните сопственици го соочува со германски ловец на глави, др. Кингом Шулц (Кристофер Волц). Шулц е на трага на двајцата браќа, убијци и само Џанго може да му помогне да го заврши тоа што тој го наумил.
„Django Unchained“ ќе се појави во кината на 25 декември.