Во Лондон вечерва ќе биде одржана светска премиера на новата британска екранизација на познатиот роман на Лав Толстој „Ана Каренина“ со Кира Најтли во насловната улога.
На новата 130-минутна филмувана верзија на романот напишан пред повеќе од 130 години, работеше цела плејада британски ѕвезди- режисерот Џо Рајт, сценаристот Том Стопард и композиторот Дарио Маријанели.
Ана Каренина ја глуми Кира Најтли, Алексеи Каренин го глуми Џад Лоу, а Вронски Арон Тејлор-Џонсон, со колегите Метју Мекфаџен, Кели Мекдоналд, Оливија Вилијамс, Емили Вотсон и други.
Филмот е снимен кон крајот на 2011 година и почетокот на 2012 година во Велика Британија и Русија.
Рајт кој во август наполни 40 години не му е првпат да се занимава со историски драми – стана познат токму по новата екранизација на романот на Џејн Остин „Гордост и предрасуди“ (2005), а неговите филмови освоија голем број угледни награди (БАФТА, Златни глобус“, Оскар).