Европската радиодифузна унија (ЕБУ) би можела на Украина да ја одземе организацијата на „Песна на Евровизија 2017“ доколку до крајот на наредната недела не се реши ситуацијата со претставничката на Русија, изјави претседателката на ЕБУ, Ингрид Делтенр во интервју за швајцарски „Блик“.
– Такво однесување е апсолутно неприфатливо. Длабоко жалам што натпреварот за „Песна на Евровизија“ се користи во политички игри, рече Делтерн.
Таа истакна дека тој натпревар не служи за „поттикнување на луѓето, едни против други, и се закани дека ќе наметне санкции на Украина.
Претседателката на ЕБУ соопшти дека моментално води разговори со претседателот на Украина, Петро Порошенко и премиерот Владимир Гројсман за изнаоѓање на „мирно решение“, затоа што само тие можат да ја укинат забраната за влез во Самојлова.
Оваа година Русија на „Евровизија“ треба да ја претставува Јулија Самојлова, но Службата за безбедност на Украина и забрани влез во земјата на три години, поради настапот на Крим.